Яңалыклар

ФЕСТИВАЛЬДӘН КАЙТТЫК.

     Кәрим Тинчурин исемендәге VII Халыкара милли драматургия театр фестивале быел җиденче тапкыр үтте. Казахстан, Башкортостан, Хакасия, Чувашия, Калмыкия республикалары театрлары һәм үзебезнең К.Тинчурин исемендәге, Яр Чаллы һәм Минзәлә театрлары әлеге фестивальдә катнашты.

     Сабир Өметбаев исемендәге Минзәлә татар дәүләт драма театры Р.Кинҗәбаев әсәре буенча куелган “Тилмереп дога көткәннәр” драмасы белән чыгыш ясап, тамашачыларның да, театраль тәнкыйтьчеләрнең дә яхшы фикерләрен ишетте. Күпләрнең күзләрендә яшь иде, һәр картина алышынган саен дәррәү кул чаптылар. Спектакльдән соң безнең театр коллективы овацияләргә күмелде.

   Мәдәният елында узган әлеге фестивальгә игътибар аеруча зур булганлыктан, мәртәбәле тәнкыйтьчеләр театр коллективларының хезмәтен бәяләде. Мәскәүдән чакырылган театр тәнкыйтьчесе Е.Глебова аеруча ТРның халык артистлары, С.Өметбаев исемендәге премия лауреатлары Рөстәм Муллин, Хафиз Хамматуллин, артистка Чулпан Бәдретдинова, “Тантана” премиясе лауреаты Ильяс Закиров иҗат иткән образларга тукталды.

   Фестивальдән кайтып артистларыбыз Арча һәм Балтач районнарына Г.Исхакыйның “Сөннәтче бабай” һәм Р.Кинҗәбаевның “Тилмереп дога көткәннәр” әсәрләре белән гастрольләргә чыгып киттеләр.

Нурсибә Адиева,

                                     Минзәлә театрының әдәби бүлеге мөдире

--- | 23.09.2014
  • Премьералар
  • М.Башкиров "Салкын Кын" трагедия 16+

    Режиссер – Сергей Потапов,Саха республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреты Рәссам – Валерий Яшкулов, Россия Федерациясенең һәм Калмык республикасының атказанган сәнгать эшлеклесе Пластика һәм хореография буенча режиссер –Нурбәк Батуллин, Россия Федерациясенең “Алтын битлек” милли театраль премиясе лауреты Тәрҗемәче – Ркаил Зәйдулла,Татарстан республикасының атказанган сәнгать эшлеклесе, Г.Тукай исемендәге Дәүләт премиясе лауреаты Кылычны кыныннан суырып алуы җиңел. Ул көч-кодрәт, хакимлек, байлык, башкалардан өстенлек бирә. Ләкин күпмедер вакыттан соң син кылыч белән түгел, ә кылыч синең белән идарә итә башларга , дошманыңа гына түгел, иң якын кешеләреңә зыян салырга мөмкин. Вакытында кылычның кынын табып, аны урынына салырга ихтыяр көчең җитәрме, адәм баласы?!

  • Н.Гоголь «Ревизор» комедия 12+

    Режиссер – Зиннур Сөләйманов Рәссам – Альберт Нестеров, Башкортостан Республикасының атказанган сәнгатъ эшлеклесе, “Алтын битлек” милли театраль премиясе лауреаты Композитор – Ришат Сагитов, Башкортостан Республикасының атказанган сәнгатъ эшлеклесе Пластика буенча режиссер – Чулпан Аскарова, Башкортостан Республикасының атказанган артисты Ут кую буенча рәссам – Илшат Сәяхов Өяз шәһәрендә ыгы –зыгы: Петербургтан ревизор килә,инкогнито! Җитмәсә, яшерен йомыш белән! Очраклы рәвештә , кунакханәдә атна буена түләмичә яшәгән җилбәзәк егет Иван Александрович Хлестаковны ревизор дип белеп,шәһәр чиновниклары аңа төрлечә ялагайланалар, ярарга тырышалар. Һәммәсеннән акчалата ришвәт җыеп, ялган ревизор ялган вәгъдәләр бирергә өлгерә. Азактан чын ревизор килгәнлеге турында хәбәр геройларны телсез күренештә катып калырга мәҗбүр итә.

  • К.Тинчурин “Сүнгән йолдызлар” (“Угасшие звезды”) музыкаль драма 12+

    Режиссер – Баатр Колаев , Калмык Республикасының атказанган сәнгатъ эшлеклесе Рәссам – Валерий Яшкулов, РФнең һәм Калмык Республикасының атказанган сәнгатъ эшлеклесе Композитор – Олег Чебодаев, Хакас Республикасының атказанган сәнгатъ эшлеклесе Хореограф – Нурбәк Батуллин, РФнең “Алтын битлек” милли театраль премиясе лауреаты 1914 ел. Вакыйгалар татар авылында бара. Сәрвәр белән Исмәгыйль – бер-берсен сөюче яшьләр. Исмәгыйль, шулай ук Сәрвәргә гашыйк мулла улы Надир-мәхдүмгә хезмәт итә.Белемле, игелекле кеше булса да, Надир-мәхдүм табигать тарафыннан рәнҗетелгән бөкре, ямьсез кыяфәтле.Сәрвәр Надир-мәхдүмнең яучысын кире бора. Авыл егетләрен, шул исәптән Исмәгыйльне дә, сугышка алырга дигән фәрман килә.Сәрвәр сөйгәнен сугыштан калдырырга дип бераз гарипләндерер өчен дару сатып алып аның колагына сала. Ул дарудан Исмәгыйль үлә, Сәрвәр акылыннан яза, соңрак үлә. Хәсрәтеннән, тормыш ямен югалтып, Надир-мәхдүм дә бакый дөньяга күчә.

  • Дуслар

 

 

 


 

 

 

  • Сораштыру